去東京,行街shopping緊係大過天啦。好在o的舖頭多數收八點,商場又多數九點就收皮,擺返o的戰利品返酒店,再落樓搵o野食都可以。

但如果咁唔好彩去遠左,攪掂哂都已經十點打後,又真係有部份餐廳收工喎,點好呢?

呢度有好介紹勒!就係呢間定食連鎖店やよい軒。

全日本都好多分店,而今次因為要去高田馬場o個頭還車,還完車都十點幾,所以就食埋先行返去新宿酒店啦。

やよい軒主要就係食定食,熱茶任飲,白飯任裝。

今晚我地就order左兩個餐。(編按︰o係日本一人嗌一個set就基本啦,唔好咁失禮啦)

分別係野菜炒豬肉定食,同埋牛肉壽喜燒定食。やよい軒不同時段都有期間限定既menu,我地係11月去,所以就會出o的鍋物,即係壽喜燒啦。

order完等5-10分鐘就有野食。

首先黎既係豬肉炒野菜,勁大碟。豬肉肥瘦適中,而菜既份量亦唔講得少,o係日本黎講,已經係好多啦。

而壽喜燒呢,亦有驚喜,大大鍋,有肥牛又有烏冬,最重要係跟隻生雞蛋,絕冇欺場。味道方面。。。。就同一般既壽喜燒汁一樣啦。

大家o係前面張相就睇到啦,價錢絕對唔貴,真係一定要介紹俾大家。

官網︰https://www.yayoiken.com/