計畫左好耐,又期待左好耐,同爸爸既歐洲之旅終於成行了。

佢講左想去瑞士好耐,但由於要去返咁上下日數,所以唔係咁容易請到假,真係成行,成件事都好夢幻。

今次行程主要係去一D大路既城市,同時有少少大自然景觀,再加少少行山。

所以plan左︰香港 > 羅馬 > 米蘭 > 經Tirano > St Moritz > Grindelwald > 琉森 > 香港。

為左帶俾爸爸有更好既回憶,突登book左Emirates A380既航班,同埋爸爸唔想一程直航要搭咁多個鐘,所以來回程可以經一經杜拜,冇咁辛苦。

IMG_0475

網上面介紹A380既資料都好多,唔多介紹,值得一提既係阿聯酋航空既機內設施好好,獨立既機上娛樂顯示屏仲大過IPAD,睇得十分舒服。

飛機餐方面,每程機都有一份full meal,再會有D小食,保證唔會餓親,仲要味道幾好。

IMG_0477

大大份,賣相唔差,最緊要好味。

IMG_0476

有主食、沙律、面包同埋甜品。