由原宿行到去涉谷已經夜晚八點，聽人講美登行新開左間店，咪走上去試下囉。
去到要排隊是常識吧！太約20人。好在間舖都幾大，有好多位，排左半個鐘就入得。
店內同平時o個o的都差唔多。
被安排對住壽司bar，所以一order好快師傅就會做好拎俾我地。
乜都試下啦。
呢個係鮮蝦腐皮卷，真係用腐皮捲出黎，好攪笑，不過味道一般。
帆立貝軍艦，幾鮮味，食得過。
海膽軍艦，鮮甜，抵食。
中拖羅壽司，好一般，係新鮮既，不過唔算好貨色。
大拖羅壽司，睇樣好似好靚，雖然油脂分佈唔算上品，食落尚算可以，都係以價錢取勝。
由於唔係太肚餓，同埋又唔算太好食，所以兩個人只係食左8碟，共2808yen。
結論係，總算試過，但又冇其他人講得咁驚為天人，如果要好味，都係幫襯返壽司小店好d。
活 西武渋谷店
東京都渋谷区宇田川町２１−１ A館8階レストラン街「ダイニング プラザ」
發佈留言