日本的拉麵實在係多姿多彩,今個行程都試左幾間覺得幾有特色既麵店。
首先介紹既係一間位於新宿既沾麵店-風雲兒。
店舖分兩段時間營業,分別係11am-3pm同埋5pm-9pm,話雖如此,但每個時段都係售完即止。
所以我地都係早少少去食啦。11:30抵達,已經排緊長龍了。
仲有十幾人先見到門口,排左15分鐘左右,去到門口。
門口幾型呀,店子細細,入到去就有部自動售賣機,買左飛仔先,但仲要排十個人左右,企o係其他食客後面排隊(好奇怪囉)。
order左一個小盛沾麵,大盛真係食唔哂呀。麵條唔算好粗,但就相對硬身。
沾麵湯就十分對辦,鮮甜,仲有魚介既味道,雖然比較咸,但食完一點口渴既感覺都冇喎,好真材實料。味玉更加係入味非常,必試。
友人怕沾麵的麵條太硬,所以要左個湯麵,麵身相對軟,湯頭亦會淡一點,但都係沾麵好吃一點。
風雲児
東京都渋谷区代々木2-14-3 北斗第一ビル 1F
發佈留言