東京必食吉列牛 — 牛かつ もと村

好耐冇黎東京，係時候黎update一下。

呢期最紅既一定係呢個吉列牛啦。

住o係新宿咁多日，日日路過都見到好多本地人排隊，心諗有冇咁好味呀。

所以有日的lunch，趁時間尚早，冇乜人排，即刻去試下先。

全間舖大家都係食同一樣野，basic套餐1300yen，加100yen會有埋山藥蓉，想要多塊牛就2600yen。

咁多當然費事食咁飽，留肚食其他，就一於1400yen啦。

師傅一收到order就拎塊牛即炸，同時會擺好哂d配菜去個盤度。

等左幾分鐘就有得食。

係咪都好豐富呢？

件牛係切好一件件的。

再睇真d，入面係近乎全生，因為o係你食佢之前，要o係塊陶板上面燒下佢先。

就係咁勒。自已鐘意幾熟就幾熟。

平平地有和牛食，仲要充滿油份，配埋山藥熱飯，衷心推薦，點都要食一餐。

o係新宿已經有幾間，涉谷、新橋、東京站都有。