倉敷美觀地區很美，但入了夜，店舖也關了，街上都冷清了很多。
所以我地就離開美觀地區，行返去JR站，順便去outlet睇睇。
一如以往，o係outlet係買唔到野既。所以就搭車返去岡山搵野食。
經過尋晚精彩既一餐，我地決定再去返食街，睇下有冇其他值得一試。
行左一陣，見到有間意大利菜好旺場喎。好，一於試下。
坐低，有個靚仔行埋黎，仲要英文幾好，介紹個menu俾我地，由於唔太餓，所以只係order左幾樣野。
首先係呢個starter拼盤，因為見到open kitchen擺左一盤盤既小食，我地又乜都想試喎，所以就叫左，但要兩位起，圖中係二人份。整體都合格，要留意全部都係冷盤。
跟住就係焗意式肉丸，日本人做肉丸真係有一手，佢地一定係手剁，所以通常都冇失望，係份量少左d囉。
呢個係蝦肉risotto，呢個不得了，但要有心理準備，係會等好耐的，因為真係慢慢放湯煮的，飯粒煮得剛剛al dente。蝦肉鮮甜，最勁係個汁，係鮮到你唔信既鮮，係鮮到你覺得會敏感既濃，但食完一d口渴既感覺都冇，好真材實料。加埋d蔥既錦上添花，好好食，勁飽都要食埋佢。
Duomo
發佈留言