去完後樂園就返去酒店check－in，就住o係岡山JR上面既hotel via inn，實在係太方便勒，因為樓下已經係商場。隔離又有個好大既aeon mall。
check－in完行左陣街就去搵野食，去左站既對面，有條食街。
去開日本既朋友都應該知，大多數既日本二三線城市都唔會太熱鬧，但又總有一兩條街專做食野，大把野食，大把居酒屋，只要搵到o個條街就易辦事。
行行下就俾「瀨戶內」三隻字吸引左，睇睇個餐牌就走左上去，（其實都睇唔明，wahkakaka）。
入面好多年青人，原來係用瀨戶內海既海鮮做主菜，是一間洋食居酒屋，好神奇呀！！
一坐低就送上乾左既蕃茄薄片同埋橙橙薄片，幾有趣，又幾好食。
講到明係居酒屋，佢地係有飲之放題，不過我地唔係好飲得，每人叫左杯cocktail就夠了。
食物方面，我地係叫得比當地既年青人多好多，因為佢地主打飲野吹水，顯得我地好似好大食咁。
先來一個蕃茄沙律，好味，十分鮮甜。
因為睇得明，所以order燒玉子，但整得太老。
當然要試下海鮮啦，有蜆有蠔，好食但好似油浸咁。
香草薯仔炒雞柳，正常水準。
火腿蝦仁蜆殼粉，呢個都好食既，奶油味好吸引。
最後呢個係手打雞肉丸，呢個有驚喜喎，肉質結實，有肉味，炸得剛剛好。
呢度d野食唔算係好出色，但勝在氣氛好，又可以同年輕侍應們吹吹水，值得一試。
瀨戶內バル+plus
發佈留言