行完藤蔓橋，又係時候去今晚的溫泉旅館check-in，就係新祖谷温泉 ホテルかずら橋。
其實祖谷地區都有幾間出名的溫泉旅館，咁選擇的時候，我都想搵d較有特色既試試。
而新祖谷温泉 ホテルかずら橋的溫泉就設o係客室之上，在大浴場洗完身，要搭升降機先去到。官網截圖：
入夜浸完溫泉可以睇到星星，十分浪漫。但就多蚊d囉。
而旅館提供既一泊二食，有好多野食，一定飽，但味道方面就只係大路野，唔算好突出。
住客們會齊集o係食堂度一齊食飯，左右兩排，背住黎食。
見到都覺得澎湃。。。
前菜＋頭盤
成條魚做刺身，唔知係咩魚，有點難咬
所以有d魚肉切幼，方便食
食桌前方有個火爐，烤住條魚同埋豆腐年糕串
仲有一小碟炸物
仲有一個豚肉味噌煮
祖谷地區的名物係蕎麥，所以會有碗冷蕎麥麵，但麵質偏軟，與一般的蕎麥麵比較，它會滑一點。由於是手造，所以大小不一，是好吃的。
食飯時時候，會有廚師即席為我地煮蕎麥粥。
用料十足，味道清新，更帶動全場氣氛，食得開心。
熱辣辣，誠意之作。晚飯都算滿意。
其實住祖谷的溫泉旅館，泉水本身只得十來度，要加熱才可浸，所以有別於其他傳統溫泉鄉。但在深山享受的寧靜又係另一番的體會。
新祖谷温泉 ホテルかずら橋
1 Comment
1 Pingback