參觀完咁清麗脫俗既建築同環境（前文），又夠鐘食晚飯了。
呢度既一泊二食最大特色就係所有食材都係產自土佐山，每一條菜、每一粒米都係由呢度既居民種出來，佢地既名字亦會印在菜單上，以示致敬。所以可以完全感受呢度在地既一面，我地用膳既時候都一口一口咁細意品嚐。
由於未係旺季，所以同時用餐既住客不多，只有三數枱，服務亦能超貼心。
菜單，一如平常的一泊二食，一樣豐富
菜單上印有食材的生產者，十分尊重大自然
先來一杯酸味酵素開開胃
冷野菜－ 野菜沙律，前菜－ 梅漬海哲頭、貝磯煮、煮瓜、炒薯仔絲、草莓羊羹
海哲頭的梅味是十分驚喜的
鰹生魚片，不過不失，但因前一晚在四萬十市味劇場所吃的實在太好，難免比較
燒魚，都係一般水準
野菜天婦羅，一睇就知普通貨色啦
漬物蘿蔔
煎米豚，係好食的，雖然冇expect過係西餐，好有肉味，嫩嫩的，還能看到淡淡的粉紅色，剛到火候
之後是一個蜆味噌湯
雞蛋撈飯，呢個最好食，係冇諗過既好味。首先米飯煮得好軟糯，熱辣辣。再打隻生雞蛋落去，黏黏的，好有蛋香。
侍應生亦隨即拎左個folder來介紹，入面有兩版詳盡介紹，講解呢隻係咩蛋。大約係話d雞自由放養，佢地生既蛋特別有營養。
最後雪糕作結
成餐飯係有好多野食，但就總係唔值呢個價錢，所以性價比較低。
Auberge Tosayama オーベルジュ土佐山
發佈留言