一場黎到鹿兒島，無理由唔試下當地特產的黑豚既。
由於勁大雨，所以去酒店check-in完都冇周圍去，直接落返鹿兒島中央站的連接商場搵食。
發現飲食樓層有間食黑豚，仲有好多人等位，咁就一於等埋一份。
等左大約半個鐘，就有位了。
呢度既黑豚有兩個食法，一個係火鍋，而另一個就食蒸。
不用多介紹啦，這個是火鍋食法。
呢個就係蒸的食法。
首先木製蒸籠內放左不同蔬菜，先蒸熟蒸軟佢地，店員就會埋黎幫手舖上一片片的黑豚肉。再蓋上蓋子蒸多一陣。
過幾分鐘就食得。菜會吸收豚肉的油份，格外甘香。而豚肉仍保持軟滑可口。
另外我地仲叫左少少海鮮作火鍋之用。
跟餐仲有呢個吉列千層豚肉串
小飯團及冷麵
味噌湯
有味飯
甜品布甸作結
遊食豚彩 いちにいさん
發佈留言