山長水遠揸左4個鐘車，終於黎到四萬十市。就黎天黑，將近六點，所以搵野食先。
一早上網做定功課，睇左有咩好食，發現有間野食評唔差，個名仲幾得意添。
好，一於試下。呢間野就叫味劇場 ちか。開頭都好奇咩係味劇場，去完就明白了。
入到去，咦，full book喎，好彩都俾到兩個位我地。場內全部都係bar位，可以望住廚房，最有趣既係呢度有兩層，所以就好似o係個theatre度睇住d廚師整野食了。
去到鄉下地方，都唔抱太大希望佢地會同我地講英文，有個英文menu已經好好，但誰不知，竟然太子仔彈左出黎，仲識講英文添，超級喜出望外啦！
叫野食即時容易左～～～wahakkakaka～～
首先，叫一個黎到高知不能不食既tataki 鰹のタタキ
半燒的鰹魚，伴著檸檬汁、醬油同埋洋蔥，話咁快就一掃光了。
跟住食多個炸豆腐，外脆內軟，不過唔算特別。
太子仔推介的玉子燒，佢話加左d野令佢juicy d，又的確係軟滑好多。
跟住呢個呢，好似我地香港既炸魚蛋或者炸鯪魚球。
唔同既係，好大粒，同埋好有鮮味。
跟住呢個不得了，係免治雞肉團子，免治肉整得好滑，完全唔鞋。剛剛熟，保留大部分肉汁。加埋個自家製照燒汁，實在想叫多一碟。
本來已經十分飽既我地，俾個自家製蕃薯雪糕吸引左，忍唔住都係order左一個。黎到一試，喂，雲喱拿雪糕黎既。心諗中伏之際，老闆娘同個女係咁同我解釋（用日文），我當然唔明啦，咁咪拎部iphone俾佢即時翻譯囉。
原來係雪糕下面o個舊綠色物體先係蕃薯，而佢地一路想介紹舊蕃薯點解會綠色。原來佢地用左四萬十川獨有既綠色水草加落去個蕃薯蓉度，所以帶有一陣陣清新既草香，暖暖既薯蓉加埋冰凍既雪糕，令呢個晚餐更加難忘。
最難忘既係全間店都充滿濃濃既人情味，大家街坊有傾有講，我地作為外地人佢地都係咁同我地講野，坐隔離既一對伯伯奶奶唔怕雞同鴨講都同我地吹水，仲俾多幾份四萬十川既景點地圖我地，很愉快的一晚呀！！
味劇場 ちか
高知県四万十市中村新町1-39-2
tel：0880-34-5041
發佈留言