自駕遊咁多次，每次都會留意路上幾時有大型既道之駅，因為既要去洗手間，又要買野食買野飲，有時可能仲要寄postcard。所以通常見到大的休息站都會停一停。
在四國，道之駅對當地人都起了十分重要的作用，就係好似街市咁俾佢地買餸。你會見到有不同既新鮮蔬菜同水果，另外仲有不同土產。
在松山去四萬十的途中，就經過一個叫天空之鄉san san既道之駅，故名思義，呢個道之駅位於高原位置。
落車去完洗手間，買埋蘋果、梨諗住上返車之際，竟然俾我地聞到一陣好香既麵包味，我地沿住香味去到隔離的建築物，原來係一間麵包店。
見到張貼左張海報，講話黃金之柱，每人限購兩個，眼見有本地人紛紛搶購，吃貨的我們當然唔執輸諗住拎返一條啦。點知原味經已冇哂，得返有提子粒的黃金之柱，都要啦。
上車即食，嘩！真唔講得少，好軟熟的包包，仲帶有出爐時的微溫，滿口牛油香，加埋提子既甜，真係好好味呀！
官網：http://www.kumakogen-sansan.com/bakery/
facebook page：https://ja-jp.facebook.com/kumakogen.sansan
發佈留言