又係行完夜街搵食的時候,今次呢間係早兩日經過已經想試既串燒店 – 鳥茂。IMG_2821

鳥茂於1949年創業,由開業至今一直堅持採用高質素食材及使用「紀州備長炭」,好自豪的說。

我地11點先入場,仲係好旺,好似有三層,不過每層唔係好大。

我地被分配到二樓。

先睇睇menu先:

IMG_2819IMG_2820其實就唔係好識睇,當我地唔知點好既時候,有台灣留學生侍應,即時解決我地既困境。

每人叫一份上5品,再加一份燒茄子。

IMG_2804食串燒又點少得啤酒呢!!

IMG_2803先來一份前菜,係洋蔥豬肚。已經超好食。一向唔太食內臟既我冇諗過豬肚係好食的。

IMG_2806最先來的係燒豬肝,(點解一黎就沖擊?)。

IMG_2809服務生都事先聲明係唔會好熟。但我冇諗過係近乎生囉。呢個軟林林既質地我真係唔係太接受到,不過都要食啦。

IMG_2807跟住係青椒仔,大路野,但燒完仲充滿水份,勁。

IMG_2808呢個係免治肉釀青椒,呢個好好好好食,服務生話入面係由幾種肉整成,所以口感同味道都好有層次。加埋少少燒汁,真係堅好食呀。

IMG_2810跟住係燒豬肉,充滿油脂的感覺,我就一般般。

IMG_2811友人唔食內臟,所以老闆好好人咁轉左一串和牛,賺到了,好嫩、好滑、好吃。

IMG_2812之後又係一個神奇的東西,原來係和牛粒、蔥粒、洋蔥粒,再加山藥蓉,攪拌之後用匙食。

IMG_2813呢個真係不得了。雖然攪完之後賣相唔太靚,但食落去既口感好得意,滑滑的但又爽爽的,蔥香四溢。食完想再食。

IMG_2814最後的燒茄子,看似好一般,但由於加上左呢隻唔知係乜既植物,令到件事又係特別左。因為呢隻植物好勁香草味,完全係幻想唔到既味道。

二人連酒共需7500yen,名店既價錢,名店既質素,但如果唔食內臟一定要提早揚聲,店方會盡力為你製作的。

鳥茂 (とりしげ)

 

東京都渋谷区代々木2-6-5