住新宿既好處就係幾多點都有野食,當然要接受歌舞伎町既混雜啦。

今日又係行街行到三更半夜,又要搵谷哥大神幫手。

呢間拉麵24小時營業,擺明係想大家飲完酒食個麵先返屋企啦。食評仲要唔差,就一於試下。

11點去到仲要等位,真犀利。

一如以往,門口買飛。坐底交飛等食。

IMG_2898全店只得兩個人,主要係肥仔煮麵,睇佢地個樣同歌舞伎町十分配合,但做起事黎十分認真。

叫左一個沾麵一個拉面。

IMG_2900首先沾麵到左,應有既都有哂,濃濃既湯,係加左魚仔乾煮既,勁有咸香,滲住點點鮮味。

IMG_2899個麵唔係特別粗,但就會附送一塊勁粗既俾你(右上),呢塊好滑,幾特意。

而叉燒呢,仲係粉紅色,所以食落係有少少生,一時間未係咁接受到,不過浸下d湯就會好好多。

IMG_2901拉麵都係咁上下,只係個湯冇咁咸,但我覺得啱我多d。

再一次食到驚喜既拉麵實在開心,如果同之前既風雲兒比,風雲兒既沾麵做得好d,而呢度既拉麵又好過風雲兒喎,各有千秋啦。

すごい煮干ラーメン凪 新宿ゴールデン街店 別館

東京都新宿区歌舞伎町1-9-6 三経ビル1F

http://www.n-nagi.com/location_detail/?id=15752