本來冇諗住去目黑,但又心思思好耐想買starbucks隻限定版杯,所以就利用黃昏後、晚飯前既少少時間走左過去買。
買完之後,發現經過一整日既shopping,已經好肚餓,所以都係食碗拉麵先再拎野返酒店。
開google map搵下附近有咩好野,發現到「麺や維新」既comment幾好,即刻拖住攰到傻既身軀行過去。
一入門口,又係買飛仔先啦。
買完就搵個位坐底,竟然坐底左又見到menu。。==!!
咁其實買飛o個時已經用大約既漢字揀左一碗醬油味同埋一碗塩味。
首先黎到既係醬油味:
個湯好清,有雞胸肉、叉燒、味玉做配料,最特別係有三隻好似香港既雲吞咁既物體。
食落幾好食,d肉好軟,易咬,麵質適中,湯底清得黎亦好夠味,唔會太咸。而粒雲吞就當然唔及香港既雲吞做得咁結實啦,內部肉碎有d鬆散,但都好食既。
而另一個塩味又如何呢?
其他野同塩味一樣,但個湯就淡左d,食落係冇柚子味的,不過就清d,感覺冇咁heavy。
我地食o個時都差唔多晚上九點,有好多附近放工放學既人入黎食。
總括黎講,作為新嘗試係冇選擇錯既。
麺や維新
東京都品川区上大崎3-4-1 サンリオンビル 1F
2 Comments
2 Pingbacks